main teri yaad mein gum hun so main hun tu ho kar

maiñ terī yaad meñ gum huuñ so maiñ huuñ tū ho kar

ki jaise phuul meñ rahtā huuñ us kī bū ho kar

phir aa jā aur ye tasvīr le ke jā apnī

tū ḳhud ko chhoḌ gayā mere rū-ba-rū ho kar

ye dil to roz nasheman sajā ke rakhtā hai

mirī taraf se guzar tū bhī to kabhū ho kar

gulāb sun to gul-andām aa rahā hogā

dikhā de sāmne us ke bhī surḳh-rū ho kar

tū chāhtā hai to siina yuuñ chiir 'aḳhtar' kā

ki chīrne ko tujhe phir mile rafū ho kar

main teri yaad mein gum hun so main hun tu ho kar

ki jaise phul mein rahta hun us ki bu ho kar

phir aa ja aur ye taswir le ke ja apni

tu KHud ko chhoD gaya mere ru-ba-ru ho kar

ye dil to roz nasheman saja ke rakhta hai

meri taraf se guzar tu bhi to kabhu ho kar

gulab sun to gul-andam aa raha hoga

dikha de samne us ke bhi surKH-ru ho kar

tu chahta hai to sina yun chir 'aKHtar' ka

ki chirne ko tujhe phir mile rafu ho kar