main tera hi aaina hun aur bas
maiñ tirā hī aa.ina huuñ aur bas
tujh ko dekhā chāhtā huuñ aur bas
kyuuñ samajhte ho mujhe manzil-numā
TeḌhā-meḌhā rāstā huuñ aur bas
hai abhī mahdūd merī āgahī
maiñ to itnā jāntā huuñ aur bas
koī to khole mirī pechīdgī
maiñ kisī kā zā.icha huuñ aur bas
ab kisī tarmīm kā mat sochnā
maiñ mukammal faisla huuñ aur bas
DhūñDhnā mujh ko koī mushkil nahīñ
bhiiḌ meñ khoyā huā huuñ aur bas
kis jagah aur kab barasnā hai mujhe
maiñ to ik umDī ghaTā huuñ aur bas
laakh huuñ parvāz pur-asrār maiñ
ḳhud hī apnā tarjuma huuñ aur bas
main tera hi aaina hun aur bas
tujh ko dekha chahta hun aur bas
kyun samajhte ho mujhe manzil-numa
TeDha-meDha rasta hun aur bas
hai abhi mahdud meri aagahi
main to itna jaanta hun aur bas
koi to khole meri pechidgi
main kisi ka zaicha hun aur bas
ab kisi tarmim ka mat sochna
main mukammal faisla hun aur bas
DhunDhna mujh ko koi mushkil nahin
bhiD mein khoya hua hun aur bas
kis jagah aur kab barasna hai mujhe
main to ek umDi ghaTa hun aur bas
lakh hun parwaz pur-asrar main
KHud hi apna tarjuma hun aur bas
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
