میں تو آ گیا ہوں ساقی تجھے ملنے کے بہانے

میں تو آ گیا ہوں ساقی تجھے ملنے کے بہانے

مجھے مے ہی گر تھی پینی تو تھے سو شراب خانے

تجھے کون اے ستمگر ہے جفا سے روک سکتا

کہے کون بجلیوں سے نہ جلاؤ آشیانے

تری آنکھ میں نشہ ہے کہیں بڑھ کے مے سے ساقی

تو بکھیر دے نگاہیں تو ہوں بند بادہ خانے

نہیں قید اب جگہ کی دیا جب سے تو نے ٹھکرا

ترے در کی تھا جو ٹھوکر ہیں اب اس کے سو ٹھکانے

مرے دوست تھے کہ دشمن تھی صداؔ سبھی کو جلدی

میں ابھی مرا نہیں تھا کہ سب آ گئے اٹھانے