main to aajiz hun tumhin puchho dil-e-nakaam se

maiñ to aajiz huuñ tumhīñ pūchho dil-e-nākām se

kyoñ taḌap jaatā hai siine meñ tumhāre naam se

sab piyeñ saaqī raheñ mahrūm ham ik jaam se

ho ga.ī bargashta qismat gardish-e-ayyām se

hijr kī zahmat se āġhāz-e-javānī meñ mare

thak ga.e the ham kuchh aisī niiñd aa.ī shaam se

ġhair kī tashnī.a kā ham de nahīñ sakte javāb

ḳhuun kī būñdeñ Tapaktī haiñ dil-e-nākām se

sirf bedārī hai apnī umr ai saudā-e-ishq

niiñd aa.e qabr meñ shāyad hameñ ārām se

jānte haiñ ḳhuub us paimāñ-shikan ko 'nāsirī'

dil bahal jaatā hai lekin nāma-o-paiġhām se

main to aajiz hun tumhin puchho dil-e-nakaam se

kyon taDap jata hai sine mein tumhaare nam se

sab piyen saqi rahen mahrum hum ek jam se

ho gai bargashta qismat gardish-e-ayyam se

hijr ki zahmat se aaghaz-e-jawani mein mare

thak gae the hum kuchh aisi nind aai sham se

ghair ki tashnia ka hum de nahin sakte jawab

KHun ki bunden Tapakti hain dil-e-nakaam se

sirf bedari hai apni umr ai sauda-e-ishq

nind aae qabr mein shayad hamein aaram se

jaante hain KHub us paiman-shikan ko 'nasiri'

dil bahal jata hai lekin nama-o-paigham se