main tujhko sochne baiThi to ye KHayal aaya

maiñ tujh ko sochne baiThī to ye ḳhayāl aayā

ki āftāb-e-mohabbat ko kyoñ zavāl aayā

hamārī hālat-e-dil dekhne ke qābil thī

tirī judā.ī kā jab sāmne savāl aayā

ḳhudā ke fazl se hāsil sadā uruuj rahā

hamārī soch ke sūraj ko kab zavāl aayā

havas-parast añdheroñ ne us ko gher liyā

ufuq pe jab bhī kisī kā mah-e-jamāl aayā

hunar kī daulat-e-be-misl yuuñ nahīñ paa.ī

jalā hai ḳhūn-e-jigar tab kahīñ kamāl aayā

ka.ī the ahl-e-talab laakh ḳhūbiyoñ ke magar

hamārī ziist meñ ik shaḳhs be-misāl aayā

main tujh ko sochne baiThi to ye KHayal aaya

ki aaftab-e-mohabbat ko kyon zawal aaya

hamari haalat-e-dil dekhne ke qabil thi

teri judai ka jab samne sawal aaya

KHuda ke fazl se hasil sada uruj raha

hamari soch ke suraj ko kab zawal aaya

hawas-parast andheron ne us ko gher liya

ufuq pe jab bhi kisi ka mah-e-jamal aaya

hunar ki daulat-e-be-misl yun nahin pai

jala hai KHun-e-jigar tab kahin kamal aaya

kai the ahl-e-talab lakh KHubiyon ke magar

hamari zist mein ek shaKHs be-misal aaya