main tujh pe kar nahin sakta nisar aur charagh

maiñ tujh pe kar nahīñ saktā nisār aur charāġh

havā-e-lams ke jhoñke na maar aur charāġh

uThā ke taaq se ik roz pheñk degā koī

mirā vajūd tirā intizār aur charāġh

safar ko yaad rahegā hamārā raḳht-e-safar

ye surḳh aable gard-o-ġhubār aur charāġh

to jaan lenā ki phir imtihān-e-dostī hai

agar bujhāyā gayā ek baar aur charāġh

tirī judā.ī meñ ik dūsre ko takte haiñ

tamām raat ruḳh-e-ashk-bār aur charāġh

vajūd-e-vaqt pe taz.īn-e-shab ke zevar haiñ

hamārī niiñd hasīñ ḳhvāb-zār aur charāġh

qadīm vaqtoñ se ik dūsre ke yaar haiñ ye

kabhī bichhaḌ nahīñ sakte mazār aur charāġh

samāñ banāte haiñ shab kā safed chehroñ par

siyāh rang ke gahre hisār aur charāġh

naved-e-sub.h ke imkāñ meñ chal base donoñ

shab-e-shikast kā girya-guzār aur charāġh

shab-e-sukūt meñ ‘shīrān’ mahv-e-raqs haiñ sab

dhuāñ añdherā havā-e-ḳhumār aur charāġh

main tujh pe kar nahin sakta nisar aur charagh

hawa-e-lams ke jhonke na mar aur charagh

uTha ke taq se ek roz phenk dega koi

mera wajud tera intizar aur charagh

safar ko yaad rahega hamara raKHt-e-safar

ye surKH aable gard-o-ghubar aur charagh

to jaan lena ki phir imtihan-e-dosti hai

agar bujhaya gaya ek bar aur charagh

teri judai mein ek dusre ko takte hain

tamam raat ruKH-e-ashk-bar aur charagh

wajud-e-waqt pe tazin-e-shab ke zewar hain

hamari nind hasin KHwab-zar aur charagh

qadim waqton se ek dusre ke yar hain ye

kabhi bichhaD nahin sakte mazar aur charagh

saman banate hain shab ka safed chehron par

siyah rang ke gahre hisar aur charagh

nawed-e-subh ke imkan mein chal base donon

shab-e-shikast ka girya-guzar aur charagh

shab-e-sukut mein ‘shiran’ mahw-e-raqs hain sab

dhuan andhera hawa-e-KHumar aur charagh