main un hudud se kuchh aage jaane wala tha

maiñ un hudūd se kuchh aage jaane vaalā thā

tamāsha aur hī tujh ko dikhāne vaalā thā

vo ḳhāk-e-nam bhī mirī thī shikasta-dil bhī mire

yahī asāsa abhī maiñ gañvāne vaalā thā

ye shāḳh phir huī vīrān ai parinda-e-shab

isī Thikāne kabhī tū bhī aane vaalā thā

na ek raat hī aisī na ek din aisā

magar maiñ raat ko din se milāne vaalā thā

ġharīb-e-shahr kā sar ho gayā qalam āḳhir

kahāñ kī chiiz kahāñ par luTāne vaalā thā

ik aur gumān ne saaya sā mujh pe Daal diyā

ik aur gumān kī zad meñ jab aane vaalā thā

main un hudud se kuchh aage jaane wala tha

tamasha aur hi tujh ko dikhane wala tha

wo KHak-e-nam bhi meri thi shikasta-dil bhi mere

yahi asasa abhi main ganwane wala tha

ye shaKH phir hui viran ai parinda-e-shab

isi Thikane kabhi tu bhi aane wala tha

na ek raat hi aisi na ek din aisa

magar main raat ko din se milane wala tha

gharib-e-shahr ka sar ho gaya qalam aaKHir

kahan ki chiz kahan par luTane wala tha

ek aur guman ne saya sa mujh pe Dal diya

ek aur guman ki zad mein jab aane wala tha