main uske KHwab mein kab ja ke dekh paya hun

maiñ us ke ḳhvāb meñ kab jā ke dekh paayā huuñ

hai aur koī vahāñ par ki maiñ hī tanhā huuñ

tumheñ ḳhabar hai gharoñdoñ se khelte bachcho

maiñ tum meñ apnā gayā vaqt dekh letā huuñ

tum us kināre khaḌe ho bulā rahe ho mujhe

yaqīñ karo ki maiñ us or se hī aayā huuñ

vo apne gaañv se kal hī to shahr aayā hai

vo baat baat pe hañstā hai maiñ laraztā huuñ

vo kah rahe haiñ rivāyat kā ehtirām karo

maiñ apnī naash kī badbū se bhāgā phirtā huuñ

ravāyatan maiñ use chāñd kah to duuñ 'tābish'

kahīñ vo ye na samajh le ki maiñ banātā huuñ

main us ke KHwab mein kab ja ke dekh paya hun

hai aur koi wahan par ki main hi tanha hun

tumhein KHabar hai gharondon se khelte bachcho

main tum mein apna gaya waqt dekh leta hun

tum us kinare khaDe ho bula rahe ho mujhe

yaqin karo ki main us or se hi aaya hun

wo apne ganw se kal hi to shahr aaya hai

wo baat baat pe hansta hai main larazta hun

wo kah rahe hain riwayat ka ehtiram karo

main apni nash ki badbu se bhaga phirta hun

rawayatan main use chand kah to dun 'tabish'

kahin wo ye na samajh le ki main banata hun