main wasl mein bhi shefta hasrat-talab raha
maiñ vasl meñ bhī 'sheftā' hasrat-talab rahā
gustāḳhiyoñ meñ bhī mujhe pās-e-adab rahā
taġh.īr vaz.a kī hai ishāra vidā kā
yaanī jafā pe ḳhūgar-e-altāf kab rahā
maiñ rashk se chalā to kahā be-sabab chalā
is par jo rah gayā to kahā be-sabab rahā
dam bhar bhī ġhair par nigah-e-lutf kyuuñ hai ab
ik umr maiñ sitam-kash-e-chashm-e-ġhazab rahā
thā shab to aah meñ bhī asar jazb-e-dil meñ bhī
kyūñkar na aa.e 'sheftā' mujh ko ajab rahā
main wasl mein bhi 'shefta' hasrat-talab raha
gustaKHiyon mein bhi mujhe pas-e-adab raha
taghir waza ki hai ishaara wida ka
yani jafa pe KHugar-e-altaf kab raha
main rashk se chala to kaha be-sabab chala
is par jo rah gaya to kaha be-sabab raha
dam bhar bhi ghair par nigah-e-lutf kyun hai ab
ek umr main sitam-kash-e-chashm-e-ghazab raha
tha shab to aah mein bhi asar jazb-e-dil mein bhi
kyunkar na aae 'shefta' mujh ko ajab raha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
