main yunhi TuTta bikharta hun

maiñ yūñhī TūTtā bikhartā huuñ

roz jiitā huuñ roz martā huuñ

dasht-o-dariyā ġhubār kartā huuñ

maiñ havā huuñ kahāñ Thahartā huuñ

pīchhe muḌ kar kabhī nahīñ dekhā

maiñ havāoñ se baat kartā huuñ

barg-o-gul titliyāñ salāmat sab

sar qalam ḳhushbuoñ ke kartā huuñ

roz naqsha banā ke duniyā kā

rañg-e-amn-o-sukūn bhartā huuñ

dil kī rāhoñ meñ qaiñchiyāñ rakh diiñ

terī yādoñ ke par katartā huuñ

logo har-sū salīb-o-dār rakho

āsmāñ se abhī utartā huuñ

chāñdnī saa.e raqs tāj-mahal

ḳhvāb āñkhoñ meñ rome bhartā huuñ

rasta paañv pakaḌne lagtā hai

jab tire dil se maiñ guzartā huuñ

main yunhi TuTta bikharta hun

roz jita hun roz marta hun

dasht-o-dariya ghubar karta hun

main hawa hun kahan Thaharta hun

pichhe muD kar kabhi nahin dekha

main hawaon se baat karta hun

barg-o-gul titliyan salamat sab

sar qalam KHushbuon ke karta hun

roz naqsha bana ke duniya ka

rang-e-amn-o-sukun bharta hun

dil ki rahon mein qainchiyan rakh din

teri yaadon ke par katarta hun

logo har-su salib-o-dar rakho

aasman se abhi utarta hun

chandni sae raqs taj-mahal

KHwab aankhon mein rome bharta hun

rasta panw pakaDne lagta hai

jab tere dil se main guzarta hun