main zahr rahi har sham rahi

maiñ zahr rahī har shaam rahī

bārish kī havā badnām rahī

pātāl meñ dariyā jazb hue

maiñ sat.h rahī do-gām rahī

imkān-e-asar par sham.a-e-duā

bujhne kī adā kā naam rahī

mire tanhā dasht ke jazboñ meñ

tirī yaad tah-e-ālām rahī

koñpal ko dhuup havā se kyā

miTTī kī namī nākām rahī

bādal mirī chhat par kab Thahre

dīvār pe gahrī shaam rahī

is ghar ke añdhere lamhoñ meñ

bas ek kiran sar-e-bām rahī

maiñ chhāñv ke sukh se lauT ga.ī

tirī dhuup mirā ārām rahī

main zahr rahi har sham rahi

barish ki hawa badnam rahi

patal mein dariya jazb hue

main sath rahi do-gam rahi

imkan-e-asar par shama-e-dua

bujhne ki ada ka nam rahi

mere tanha dasht ke jazbon mein

teri yaad tah-e-alam rahi

konpal ko dhup hawa se kya

miTTi ki nami nakaam rahi

baadal meri chhat par kab Thahre

diwar pe gahri sham rahi

is ghar ke andhere lamhon mein

bas ek kiran sar-e-baam rahi

main chhanw ke sukh se lauT gai

teri dhup mera aaram rahi