main zindagi ka naqsha tartib de raha hun
maiñ zindagī kā naqsha tartīb de rahā huuñ
phir ik jadīd ḳhāka tartīb de rahā huuñ
har saaz kā tarannum yaksāniyat-numā hai
ik tāza-kār naġhma tartīb de rahā huuñ
jis meñ tirī tajallī ḳhud aa ke jā-guzīñ ho
dil meñ ik aisā gosha tartīb de rahā huuñ
lamhoñ ke silsile meñ jiitā rahā huuñ lekin
maiñ apnā ḳhaas lamha tartīb de rahā huuñ
kitne ajiib qisse likkhe ga.e abhī tak
maiñ bhī anokhā qissa tartīb de rahā huuñ
zarroñ kā hai ye tūfāñ be-chehragī ba-dāmāñ
zarroñ se ek chehra tartīb de rahā huuñ
duniyā ke saare rishte be-ma.anī lag rahe haiñ
ḳhāliq se apnā rishta tartīb de rahā huuñ
pur-pech rāstoñ par chaltā huā 'zafar' maiñ
sīdhā sā ek rasta tartīb de rahā huuñ
main zindagi ka naqsha tartib de raha hun
phir ek jadid KHaka tartib de raha hun
har saz ka tarannum yaksaniyat-numa hai
ek taza-kar naghma tartib de raha hun
jis mein teri tajalli KHud aa ke ja-guzin ho
dil mein ek aisa gosha tartib de raha hun
lamhon ke silsile mein jita raha hun lekin
main apna KHas lamha tartib de raha hun
kitne ajib qisse likkhe gae abhi tak
main bhi anokha qissa tartib de raha hun
zarron ka hai ye tufan be-chehragi ba-daman
zarron se ek chehra tartib de raha hun
duniya ke sare rishte be-mani lag rahe hain
KHaliq se apna rishta tartib de raha hun
pur-pech raston par chalta hua 'zafar' main
sidha sa ek rasta tartib de raha hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
