majnun ka jo ai laila juta na phaTa hota

majnūñ kā jo ai lailā juutā na phaTā hotā

pīchhe tire naaqe ke kyuuñ barahna-pā hotā

be-fā.eda ġhul machtā kyā jāniye kyā hotā

gar un kī galī hotī aur merā galā hotā

hotā agar aadam kā duniyā meñ koī bhaa.ī

nasl-e-banī-ādam kā vallāh chachā hotā

gar qais kī vahshat kā kuchh uuñT asar letā

lailā ko girā detā aur bhaag khaḌā hotā

muflis se ziyāda-tar mun.im hī gursana haiñ

kyuuñ roz havā khāte gar peT bharā hotā

vo ban ke masīhā bhī achchhā jo na kar sakte

bīmār tire haq meñ ye aur burā hotā

mādūm dahan hotā mafqūd kamar hotī

ma.ashūq 'zarīf' aisā hotā bhī to kyā hotā

majnun ka jo ai laila juta na phaTa hota

pichhe tere naqe ke kyun barahna-pa hota

be-faeda ghul machta kya jaaniye kya hota

gar un ki gali hoti aur mera gala hota

hota agar aadam ka duniya mein koi bhai

nasl-e-bani-adam ka wallah chacha hota

gar qais ki wahshat ka kuchh unT asar leta

laila ko gira deta aur bhag khaDa hota

muflis se ziyaada-tar munim hi gursana hain

kyun roz hawa khate gar peT bhara hota

wo ban ke masiha bhi achchha jo na kar sakte

bimar tere haq mein ye aur bura hota

madum dahan hota mafqud kamar hoti

mashuq 'zarif' aisa hota bhi to kya hota