makan aur bhi hain zaman aur bhi hain

makāñ aur bhī haiñ zamāñ aur bhī haiñ

tire shauq ke rāz-dāñ aur bhī haiñ

lab-e-shikva-sanj-e-mohabbat na ghabrā

tire bazm meñ ham-zabāñ aur bhī haiñ

dar-e-mai-kada hai agar band vaa.iz

ḳhudā rakkhe pīr-e-muġhāñ aur bhī haiñ

agar ik kamāñ-kash ne nazreñ churā.īñ

to duniyā meñ abrū-kamāñ aur bhī haiñ

na itrā.eñ aurāq-e-gul par anādil

ki zeb-e-chaman gul-ruḳhāñ aur bhī haiñ

nahīñ ḳhātam-e-shauq farhād-o-majnūñ

talabgār-e-kū-e-butāñ aur bhī haiñ

ġhazālān-e-ram-ḳhurda-o-shoḳh-dīda

hasīnān-e-āhū-vashāñ aur bhī haiñ

bahut mat chahak qumrī-e-sarv-e-ḳhūbī

giraftār-e-tauq-e-girāñ aur bhī haiñ

faqat ek maz.har na thā jān-e-jānāñ

azīzo abhī jān-e-jāñ aur bhī haiñ

luTā dī mai-e-ḳhūn-e-dil phir bhī 'naqvī'

talabgār-e-ratl-e-girāñ aur bhī haiñ

makan aur bhi hain zaman aur bhi hain

tere shauq ke raaz-dan aur bhi hain

lab-e-shikwa-sanj-e-mohabbat na ghabra

tere bazm mein ham-zaban aur bhi hain

dar-e-mai-kada hai agar band waiz

KHuda rakkhe pir-e-mughan aur bhi hain

agar ek kaman-kash ne nazren churain

to duniya mein abru-kaman aur bhi hain

na itraen auraq-e-gul par anadil

ki zeb-e-chaman gul-ruKHan aur bhi hain

nahin KHatam-e-shauq farhad-o-majnun

talabgar-e-ku-e-butan aur bhi hain

ghazalan-e-ram-KHurda-o-shoKH-dida

hasinan-e-ahu-washan aur bhi hain

bahut mat chahak qumri-e-sarw-e-KHubi

giraftar-e-tauq-e-giran aur bhi hain

faqat ek mazhar na tha jaan-e-jaanan

azizo abhi jaan-e-jaan aur bhi hain

luTa di mai-e-KHun-e-dil phir bhi 'naqwi'

talabgar-e-ratl-e-giran aur bhi hain