makan se dur kahin la-makan mein baiTh gai

makāñ se duur kahīñ lā-makāñ meñ baiTh ga.ī

badan kī aag tilismāt-e-jāñ meñ baiTh ga.ī

sulagtī dhuup meñ jal kar faqīr-e-shab tirī ḳhaak

kyuuñ ḳhān-qāh-e-shab-e-be-karāñ maiñ baiTh ga.ī

kyuuñ aaj dil ke haram meñ namāz-e-ġham na huī

kyuuñ ek chup sī sadā-e-azāñ meñ baiTh ga.ī

hamārī sub.h hujūm-e-balā kī nazr huī

hamārī shaam bhī dasht-e-gumāñ maiñ baiTh ga.ī

kisī kā jism shikār-e-nahañg-e-vaqt-e-ḳhizāñ

kisī kī saañs fazā-e-girāñ meñ baiTh ga.ī

kahīñ safar kī risālat kahīñ thakan kī hadīs

ye kashmakash bhī 'rashīdī' dhuāñ meñ baiTh ga.ī

makan se dur kahin la-makan mein baiTh gai

badan ki aag tilismat-e-jaan mein baiTh gai

sulagti dhup mein jal kar faqir-e-shab teri KHak

kyun KHan-qah-e-shab-e-be-karan main baiTh gai

kyun aaj dil ke haram mein namaz-e-gham na hui

kyun ek chup si sada-e-azan mein baiTh gai

hamari subh hujum-e-bala ki nazr hui

hamari sham bhi dasht-e-guman main baiTh gai

kisi ka jism shikar-e-nahang-e-waqt-e-KHizan

kisi ki sans faza-e-giran mein baiTh gai

kahin safar ki risalat kahin thakan ki hadis

ye kashmakash bhi 'rashidi' dhuan mein baiTh gai