maKHluq the pe Khaaliq-o-KHallaq ho gae

maḳhlūq the pe ḳhāliq-o-ḳhallāq ho ga.e

bhūkoñ ko yuuñ milā hai ki razzāq ho ga.e

ma.asūm sūrateñ to dil-o-jāñ hī le ga.iiñ

jo bhole-bhāle log the qazzāq ho ga.e

taaza sā kuchh lahū hai rag-e-sang-o-ḳhisht meñ

lagtā hai koī yaar se ushshāq ho ga.e

rasmī se is milāp kī allāh ḳhair ho

kyā kyā diloñ meñ pyaar ke mīsāq ho ga.e

kal vā.izoñ ke haañ bhī tirā zikr-e-ḳhair thā

ye nek-baḳht kyoñ tire mushtāq ho ga.e

kasb-e-ma.āsh ne kiyā aslāf se judā

go nā-ḳhalaf nahīñ the magar aaq ho ga.e

sūraj pe jaise shab ne siyāhī uñDel dī

'ejāz' yuuñ hayāt ke aurāq ho ga.e

maKHluq the pe KHaliq-o-KHallaq ho gae

bhukon ko yun mila hai ki razzaq ho gae

masum suraten to dil-o-jaan hi le gain

jo bhole-bhaale log the qazzaq ho gae

taza sa kuchh lahu hai rag-e-sang-o-KHisht mein

lagta hai koi yar se ushshaq ho gae

rasmi se is milap ki allah KHair ho

kya kya dilon mein pyar ke misaq ho gae

kal waizon ke han bhi tera zikr-e-KHair tha

ye nek-baKHt kyon tere mushtaq ho gae

kasb-e-maash ne kiya aslaf se juda

go na-KHalaf nahin the magar aaq ho gae

suraj pe jaise shab ne siyahi unDel di

'ejaz' yun hayat ke auraq ho gae