maKHmur chashmon ki tabrid karne kun shabnam hai sardab shoron ki manind

maḳhmūr chashmoñ kī tabrīd karne kuuñ shabnam hai sardāb shoroñ kī mānind

ruupe ke thāle safedī hai nargis kī zardī hai zar ke kaToroñ kī mānind

dārā.ī-e-surḳh in jāma-zeboñ ne āshiq ke lohū se rañgīñ kiye haiñ

be-ḳhud ho kahtā huuñ kyā ḳhuub lagte haiñ mere kaleje ke qoroñ kī mānind

ai dast-e-mashāta tuuñ jab señ pahūñchā hai us zulf-e-mushkīñ kī shāna-e-kashī kuuñ

āshiq kī aahoñ ke in saaf rishtoñ meñ girhāñ haiñ uñglī kī poroñ kī mānind

ye tañgī unhoñ ke dahan kī na pāvegā apne garebāñ meñ sar ko navā tuuñ

ai ġhuncha bāġhī ho mahtāb-rūoñ siiñ mat ḳhanda-pan kar chakoroñ kī mānind

dil ke ḳhazāne señ shāyad lejāvegā jī ke javāhar kuuñ ayyāriyoñ señ

har dam ḳhayāl us kā āñkhoñ ke rauzan siiñ aatā hai chhup-chhup ki choroñ kī mānind

ġham ke pahāḌoñ kuuñ sar par uThā.e haiñ vahshat ke panjoñ siiñ aahoñ ne merī

dil ke akhāḌe meñ ab kaun ham-sar hai un pahalvānoñ ke zoroñ kī mānind

parvāna rañgoñ ke urs-e-judā.ī meñ sair-e-charāġhāñ hai jān-e-'sirāj' aaj

raushan fatīle haiñ aahoñ ke sho.aloñ ke siine meñ kore sakoroñ kī mānind

maKHmur chashmon ki tabrid karne kun shabnam hai sardab shoron ki manind

rupe ke thaale safedi hai nargis ki zardi hai zar ke kaToron ki manind

darai-e-surKH in jama-zebon ne aashiq ke lohu se rangin kiye hain

be-KHud ho kahta hun kya KHub lagte hain mere kaleje ke qoron ki manind

ai dast-e-mashata tun jab sen pahuncha hai us zulf-e-mushkin ki shana-e-kashi kun

aashiq ki aahon ke in saf rishton mein girhan hain ungli ki poron ki manind

ye tangi unhon ke dahan ki na pawega apne gareban mein sar ko nawa tun

ai ghuncha baghi ho mahtab-ruon sin mat KHanda-pan kar chakoron ki manind

dil ke KHazane sen shayad lejawega ji ke jawahar kun ayyariyon sen

har dam KHayal us ka aankhon ke rauzan sin aata hai chhup-chhup ki choron ki manind

gham ke pahaDon kun sar par uThae hain wahshat ke panjon sin aahon ne meri

dil ke akhaDe mein ab kaun ham-sar hai un pahalwanon ke zoron ki manind

parwana rangon ke urs-e-judai mein sair-e-charaghan hai jaan-e-'siraj' aaj

raushan fatile hain aahon ke shoalon ke sine mein kore sakoron ki manind