makin ghar se nikal kar hi KHush hue honge

makīn ghar se nikal kar hī ḳhush hue hoñge

purāne shahr ke raste na.e bane hoñge

na.e zurūf meñ Dhalnā kise nasīb huā

magar vo log jo miTTī meñ mil ga.e hoñge

adhūre ḳhvāb bhī kitnī baḌī aziyyat haiñ

tamām 'umr jinheñ dekhte rahe hoñge

jinheñ jinheñ bhī tumhārī kamī rahī hogī

bahisht jā ke bhī shikva-kunāñ rahe hoñge

hameñ ḳharīd liyā hogā phir kisī ne kahīñ

kisī ko māl-e-ġhanīmat meñ mil ga.e hoñge

vo ehtirām se ḳhanjar-ba-kaf huā hogā

ye zaḳhm ham ne muravvat meñ le liye hoñge

makin ghar se nikal kar hi KHush hue honge

purane shahr ke raste nae bane honge

nae zuruf mein Dhalna kise nasib hua

magar wo log jo miTTi mein mil gae honge

adhure KHwab bhi kitni baDi aziyyat hain

tamam 'umr jinhen dekhte rahe honge

jinhen jinhen bhi tumhaari kami rahi hogi

bahisht ja ke bhi shikwa-kunan rahe honge

hamein KHarid liya hoga phir kisi ne kahin

kisi ko mal-e-ghanimat mein mil gae honge

wo ehtiram se KHanjar-ba-kaf hua hoga

ye zaKHm hum ne murawwat mein le liye honge