malal dil mein kisi dard ka nahin rakhna

malāl dil meñ kisī dard kā nahīñ rakhnā

koī burā jo kahe dil burā nahīñ rakhnā

ye dushmanī to bahut fāsle baḌhā degī

hamāre baa'd kisī se gila nahīñ rakhnā

hamāre dost hameñ bad-gumān kar deñge

ab iltifāt bahut barmalā nahīñ rakhnā

ye nasl-e-nau to hamīñ se javāz māñgegī

so iḳhtilāf ko had se sivā nahīñ rakhnā

tumhāre paas faqat aaj hai mire logo

kisī bhī kaam ko kal pe uThā nahīñ rakhnā

ham ājizī se mileñ tarbiyat hamārī hai

unheñ ġhurūr salām-o-duā nahīñ rakhnā

mileñ zarūr magar faisle ke baa'd 'ġhazal'

ki rabt aap se rakhnā hai yā nahīñ rakhnā

malal dil mein kisi dard ka nahin rakhna

koi bura jo kahe dil bura nahin rakhna

ye dushmani to bahut fasle baDha degi

hamare ba'd kisi se gila nahin rakhna

hamare dost hamein bad-guman kar denge

ab iltifat bahut barmala nahin rakhna

ye nasl-e-nau to hamin se jawaz mangegi

so iKHtilaf ko had se siwa nahin rakhna

tumhaare pas faqat aaj hai mere logo

kisi bhi kaam ko kal pe uTha nahin rakhna

hum aajizi se milen tarbiyat hamari hai

unhen ghurur salam-o-dua nahin rakhna

milen zarur magar faisle ke ba'd 'ghazal'

ki rabt aap se rakhna hai ya nahin rakhna