mamnun hi raha us but-e-kafir ki jafa ka

mamnūñ hī rahā us but-e-kāfir kī jafā kā

shikva na kiyā dil ne kabhū shukr ḳhudā kā

aazā ke tanāsub kā na vārafta ho itnā

āñkheñ haiñ to rah hairatī andāz o adā kā

har dam hai hadaf nāvak-e-bedād kā terī

patthar kā kalejā hai magar ahl-e-vafā kā

tābūt hī dekhā na mirā aañkh uThā kar

kyā sharm hai kushta huuñ maiñ us sharm o hayā kā

paas us ke banā diijo mirī aañkh bhī naqqāsh

gar khīñche hai tū naqsh-e-ruḳh us hūr-liqā kā

kis tarah maiñ ab sar pe bhalā ḳhaak na Dālūñ

dekhūñ huuñ nishāñ dar pe tirī sad kaf-e-pā kā

kis bekasī kī marg hai 'rāsiḳh' kā bhī marnā

naash us kī pe koī na huā mahv azā kā

mamnun hi raha us but-e-kafir ki jafa ka

shikwa na kiya dil ne kabhu shukr KHuda ka

aaza ke tanasub ka na warafta ho itna

aankhen hain to rah hairati andaz o ada ka

har dam hai hadaf nawak-e-bedad ka teri

patthar ka kaleja hai magar ahl-e-wafa ka

tabut hi dekha na mera aankh uTha kar

kya sharm hai kushta hun main us sharm o haya ka

pas us ke bana dijo meri aankh bhi naqqash

gar khinche hai tu naqsh-e-ruKH us hur-liqa ka

kis tarah main ab sar pe bhala KHak na Dalun

dekhun hun nishan dar pe teri sad kaf-e-pa ka

kis bekasi ki marg hai 'rasiKH' ka bhi marna

nash us ki pe koi na hua mahw aza ka