man ki mai ho to piyale nahin dekhe jate
man kī mai ho to piyāle nahīñ dekhe jaate
ishq ho jaa.e to chehre nahīñ dekhe jaate
maiñ bigaḌte hue bachchoñ ko bhī kab DāñTtā huuñ
mujh se rote hue bachche nahīñ dekhe jaate
hamla-āvar ko maiñ ab ḳhud hī riyāsat de duuñ
apne logoñ pe ye hamle nahīñ dekhe jaate
tairnā aatā hai to chhoḌ mujhe tū to nikal
mauqa aisā ho to va.ade nahīñ dekhe jaate
us kī ḳhāmoshī añdhere kā sabab bantī hai
mujh se ab aur añdhere nahīñ dekhe jaate
apne kashmīrī laboñ se tū girā sharm ke band
Dūbne vaqt kināre nahīñ dekhe jaate
maiñ koī haath bhī thāmūñ to ye dil thamtā hai
mujh se qismat ke sitāre nahīñ dekhe jaate
man ki mai ho to piyale nahin dekhe jate
ishq ho jae to chehre nahin dekhe jate
main bigaDte hue bachchon ko bhi kab DanTta hun
mujh se rote hue bachche nahin dekhe jate
hamla-awar ko main ab KHud hi riyasat de dun
apne logon pe ye hamle nahin dekhe jate
tairna aata hai to chhoD mujhe tu to nikal
mauqa aisa ho to wade nahin dekhe jate
us ki KHamoshi andhere ka sabab banti hai
mujh se ab aur andhere nahin dekhe jate
apne kashmiri labon se tu gira sharm ke band
Dubne waqt kinare nahin dekhe jate
main koi hath bhi thamun to ye dil thamta hai
mujh se qismat ke sitare nahin dekhe jate
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
