mana kar jashn apni bebasi ka

manā kar jashn apnī bebasī kā

uḌātā huuñ tamasḳhur zindagī kā

lahū keī chhīñT har dīvār par thī

lagā ilzām phir bhī ḳhud-kushī kā

ḳhudā sab ko banāte jā rahe ho

tamāsha kar rahe ho bandagī kā

mirī saf se jo aage keī safeñ haiñ

numāyāñ fāsla hai muflisī kā

chalā kar piiTh par ḳhanjar ye kis ne

kiyā hai naam rusvā dushmanī kā

na jaane raah ke jo pech-o-ḳham ko

use ohda milā hai rahbarī kā

chalo mahtāb le aa.eñ kahīñ se

baḌhā jaatā hai saayā tīrgī kā

vo daulat ilm keī 'arqam' hai jis ko

kabhī ḳhadsha nahīñ hai rahzanī kā

mana kar jashn apni bebasi ka

uData hun tamasKHur zindagi ka

lahu kei chhinT har diwar par thi

laga ilzam phir bhi KHud-kushi ka

KHuda sab ko banate ja rahe ho

tamasha kar rahe ho bandagi ka

meri saf se jo aage kei safen hain

numayan fasla hai muflisi ka

chala kar piTh par KHanjar ye kis ne

kiya hai nam ruswa dushmani ka

na jaane rah ke jo pech-o-KHam ko

use ohda mila hai rahbari ka

chalo mahtab le aaen kahin se

baDha jata hai saya tirgi ka

wo daulat ilm kei 'arqam' hai jis ko

kabhi KHadsha nahin hai rahzani ka