manzar-e-subh-e-bahaaran nahin dekha jata

manzar-e-sub.h-e-bahārāñ nahīñ dekhā jaatā

chāk-dāmān-e-gulistāñ nahīñ dekhā jaatā

al-madad josh-e-junūñ jazba-e-vahshat fariyād

mujh se ab ḳhvāb-e-pareshāñ nahīñ dekhā jaatā

naġhma-sanjān-e-chaman mohar-ba-lab aaj bhī haiñ

ye samāñ vaqt-e-bahārāñ nahīñ dekhā jaatā

bāġhbāñ maiñ nahīñ kahtā ki hai kāñToñ kā qusūr

tujh se har gul kā garebāñ nahīñ dekhā jaatā

har nazar yaas meñ Duubī nahīñ dekhī jaatī

har-nafas sho.ala-ba-dāmāñ nahīñ dekhā jaatā

dekh saktā to huuñ badle hue hālāt magar

hāl-e-barbādī-e-insāñ nahīñ dekhā jaatā

manzar-e-subh-e-bahaaran nahin dekha jata

chaak-daman-e-gulistan nahin dekha jata

al-madad josh-e-junun jazba-e-wahshat fariyaad

mujh se ab KHwab-e-pareshan nahin dekha jata

naghma-sanjaan-e-chaman mohar-ba-lab aaj bhi hain

ye saman waqt-e-bahaaran nahin dekha jata

baghban main nahin kahta ki hai kanTon ka qusur

tujh se har gul ka gareban nahin dekha jata

har nazar yas mein Dubi nahin dekhi jati

har-nafas shoala-ba-daman nahin dekha jata

dekh sakta to hun badle hue haalat magar

haal-e-barbaadi-e-insan nahin dekha jata