manzar tamam aaj tak aankhon pe bojh hain
manzar tamām aaj tak āñkhoñ pe bojh haiñ
jitne bhī ḳhvāb haiñ mirī palkoñ pe bojh haiñ
utregā chāñd to mirī bhar aa.egī ye aañkh
taare falak se TuuT ke rātoñ pe bojh haiñ
sochoñ pe naqsh haiñ vo jo pal the visāl ke
dukh hijr ke tamām hī lamhoñ pe bojh haiñ
bāteñ us ek yaad kī bātoñ kā husn haiñ
yādeñ us ek yaad kī yādoñ pe bojh haiñ
'najma' kahīñ bhī jhuuT kā jin par gumān ho
aise tamām lafz hī sheroñ pe bojh haiñ
manzar tamam aaj tak aankhon pe bojh hain
jitne bhi KHwab hain meri palkon pe bojh hain
utrega chand to meri bhar aaegi ye aankh
tare falak se TuT ke raaton pe bojh hain
sochon pe naqsh hain wo jo pal the visal ke
dukh hijr ke tamam hi lamhon pe bojh hain
baaten us ek yaad ki baaton ka husn hain
yaaden us ek yaad ki yaadon pe bojh hain
'najma' kahin bhi jhuT ka jin par guman ho
aise tamam lafz hi sheron pe bojh hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
