manzil-e-shauq ki har rahguzar ko dekha

manzil-e-shauq kī har rāhguzar ko dekhā

tujh ko dekhā tire andāz-e-nazar ko dekhā

ham ne vahshat ke har ik turfa asar ko dekhā

ḳhud ko dekhā kabhī ujḌe hue ghar ko dekhā

bārhā pās-e-adab se na ga.e us ke qarīb

bārhā duur se us rashk-e-qamar ko dekhā

hai fidā ḳhud mirī betāb-nigāhī mujh par

aaj kis shoḳh kī duzdīda nazar ko dekhā

hai koī baat to ai jazb-e-mohabbat varna

aaj be-sāḳhta kyoñ us ne idhar ko dekhā

tāb-e-dīdār ruḳh-e-yār kahāñ thī 'ahmar'

ham ne apne hī faqat zauq-e-nazar ko dekhā

manzil-e-shauq ki har rahguzar ko dekha

tujh ko dekha tere andaz-e-nazar ko dekha

hum ne wahshat ke har ek turfa asar ko dekha

KHud ko dekha kabhi ujDe hue ghar ko dekha

barha pas-e-adab se na gae us ke qarib

barha dur se us rashk-e-qamar ko dekha

hai fida KHud meri betab-nigahi mujh par

aaj kis shoKH ki duzdida nazar ko dekha

hai koi baat to ai jazb-e-mohabbat warna

aaj be-saKHta kyon us ne idhar ko dekha

tab-e-didar ruKH-e-yar kahan thi 'ahmar'

hum ne apne hi faqat zauq-e-nazar ko dekha