manzil ke us usul ko ruswa nahin kiya

manzil ke us usuul ko rusvā nahīñ kiyā

raste se lauTne kā irāda nahīñ kiyā

dil ko gudāz bhī rakhā to ehtiyāt se

kar to liyā yaqīn par itnā nahīñ kiyā

ham ko bhī phir umiid kuchh aisī nahīñ rahī

achchhā huā jo tū ne bhī va.ada nahīñ kiyā

fāqa-kashī meñ yuuñ to ka.ī rahm-dil mile

kaae hī ham ne apnā kushāda nahīñ kiyā

ye bhī to kam nahīñ hai kī ham ne koī gunāh

ik baar ho gayā to dobāra nahīñ kiyā

sahrā-navard kā hameñ raas aa gayā laqab

jab us ne apne naam ko dariyā nahīñ kiyā

bachchoñ muaaf karnā kī tum khaao baiTh kar

maiñ ne tumhāre vāste itnā nahīñ kiyā

tū hī batā maiñ kaise karūñ mutma.in tujhe

aisā nahīñ kiyā kabhī vaisā nahīñ kiyā

'nāyāb' tere sar kī qasam is jahān ne

karne ko ham se jo bhī kahā thā nahīñ kiyā

manzil ke us usul ko ruswa nahin kiya

raste se lauTne ka irada nahin kiya

dil ko gudaz bhi rakha to ehtiyat se

kar to liya yaqin par itna nahin kiya

hum ko bhi phir umid kuchh aisi nahin rahi

achchha hua jo tu ne bhi wada nahin kiya

faqa-kashi mein yun to kai rahm-dil mile

kae hi hum ne apna kushada nahin kiya

ye bhi to kam nahin hai ki hum ne koi gunah

ek bar ho gaya to dobara nahin kiya

sahra-naward ka hamein ras aa gaya laqab

jab us ne apne nam ko dariya nahin kiya

bachchon muaf karna ki tum khao baiTh kar

main ne tumhaare waste itna nahin kiya

tu hi bata main kaise karun mutmain tujhe

aisa nahin kiya kabhi waisa nahin kiya

'nayab' tere sar ki qasam is jahan ne

karne ko hum se jo bhi kaha tha nahin kiya