manzil pe pahunchte hi sitam TuT rahe hain

manzil pe pahuñchte hī sitam TuuT rahe haiñ

ai zabt-e-fuġhāñ dekh ki ham TuuT rahe haiñ

kyuuñ ziist ko alfāz-o-ma.ānī nahīñ milte

kyuuñ safha-e-hastī pe qalam TuuT rahe haiñ

is daur-e-pur-āshob meñ ab apne hī hāthoñ

apne hī tarāshīda sanam TuuT rahe haiñ

kar dekheñ kuchh apnī hī vafāoñ meñ izāfa

ham un kī jafāoñ se to kam TuuT rahe haiñ

manzil pe pahunchte hi sitam TuT rahe hain

ai zabt-e-fughan dekh ki hum TuT rahe hain

kyun zist ko alfaz-o-maani nahin milte

kyun safha-e-hasti pe qalam TuT rahe hain

is daur-e-pur-ashob mein ab apne hi hathon

apne hi tarashida sanam TuT rahe hain

kar dekhen kuchh apni hi wafaon mein izafa

hum un ki jafaon se to kam TuT rahe hain