maqam-e-amn qafas kya ki aashiyan bhi nahin
maqām-e-amn qafas kyā ki āshiyāñ bhī nahīñ
sukūñ vahāñ bhī nahīñ thā sukūñ yahāñ bhī nahīñ
mirā kalām payām-e-amal na ho lekin
tamām-tar nigah-o-dil kī dāstāñ bhī nahīñ
mirī nigāh meñ manzil hai aam insāñ kī
maqām-e-dār nahīñ bazm-e-mah-ruḳhāñ bhī nahīñ
ye baar shiddat-e-ehsās kā hai nādānoñ
garāñ hai ziist magar is qadar garāñ bhī nahīñ
hai naqsh-e-ḳhūn-e-jigar se har ek fan ko sabāt
jo ye nahīñ to koī naqsh-e-jāvedāñ bhī nahīñ
maqam-e-amn qafas kya ki aashiyan bhi nahin
sukun wahan bhi nahin tha sukun yahan bhi nahin
mera kalam payam-e-amal na ho lekin
tamam-tar nigah-o-dil ki dastan bhi nahin
meri nigah mein manzil hai aam insan ki
maqam-e-dar nahin bazm-e-mah-ruKHan bhi nahin
ye bar shiddat-e-ehsas ka hai nadanon
garan hai zist magar is qadar garan bhi nahin
hai naqsh-e-KHun-e-jigar se har ek fan ko sabaat
jo ye nahin to koi naqsh-e-jawedan bhi nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
