maqam-e-nur ho kar rah gaya hai

maqām-e-nūr ho kar rah gayā hai

vo ham se duur ho kar rah gayā hai

charāġh-e-dil bujhā to tan-badan meñ

dhuāñ mahsūr ho kar rah gayā hai

ḳhudī meñ be-ḳhudī ko chhū liyā thā

nasha kāfūr ho kar rah gayā hai

havā ghere hue hai tāq-e-shab ko

diyā ma.azūr ho kar rah gayā hai

jo taara ḳhaak se honā thā zāhir

vahī mastūr ho kar rah gayā hai

ye dil had se guzarnā chāhtā thā

magar majbūr ho kar rah gayā hai

mirā ġham terī tārīḳh-e-karam meñ

faqat mazkūr ho kar rah gayā hai

unhī hāthoñ se banñā aur miTnā

yahī dastūr ho kar rah gayā hai

maqam-e-nur ho kar rah gaya hai

wo hum se dur ho kar rah gaya hai

charagh-e-dil bujha to tan-badan mein

dhuan mahsur ho kar rah gaya hai

KHudi mein be-KHudi ko chhu liya tha

nasha kafur ho kar rah gaya hai

hawa ghere hue hai taq-e-shab ko

diya mazur ho kar rah gaya hai

jo tara KHak se hona tha zahir

wahi mastur ho kar rah gaya hai

ye dil had se guzarna chahta tha

magar majbur ho kar rah gaya hai

mera gham teri tariKH-e-karam mein

faqat mazkur ho kar rah gaya hai

unhi hathon se banna aur miTna

yahi dastur ho kar rah gaya hai