maqtal mein apni maut ka arman liye hue

maqtal meñ apnī maut kā armāñ liye hue

ham jā rahe haiñ ziist kā sāmāñ liye hue

aatā hai koī dard kā darmāñ liye hue

ai baḳht jaag gardish-e-daurāñ liye hue

ai vaqt aaj phir se inheñ tār-tār kar

baiThe haiñ ham bhī jaib-o-garebāñ liye hue

nikle haiñ ashk zabt ke dāman ko chiir kar

pahlū meñ apne shorish-e-tūfāñ liye hue

bujh jaa.eñ phir na gor-e-ġharībāñ ke ye charāġh

ḳhauf-e-havā se haiñ tah-e-dāmāñ liye hue

jaatā hai kyā harīf sū-e-kū-e-dost phir

dām-e-havas meñ dāna-e-pinhāñ liye hue

ḳhā lī shikast fat.h-e-mubīñ ke yaqīn se

haañ 'nūr' ab ke himmat-e-mardāñ liye hue

maqtal mein apni maut ka arman liye hue

hum ja rahe hain zist ka saman liye hue

aata hai koi dard ka darman liye hue

ai baKHt jag gardish-e-dauran liye hue

ai waqt aaj phir se inhen tar-tar kar

baiThe hain hum bhi jaib-o-gareban liye hue

nikle hain ashk zabt ke daman ko chir kar

pahlu mein apne shorish-e-tufan liye hue

bujh jaen phir na gor-e-ghariban ke ye charagh

KHauf-e-hawa se hain tah-e-daman liye hue

jata hai kya harif su-e-ku-e-dost phir

dam-e-hawas mein dana-e-pinhan liye hue

KHa li shikast fath-e-mubin ke yaqin se

han 'nur' ab ke himmat-e-mardan liye hue