مر ہی جائے مبادا اجل

مر ہی جائے مبادا اجل

نا سمجھ آئنے سے نکل

زندگی کے مسائل کا حل

وقت کے ساتھ خود کو بدل

تیری منزل ابھی دور ہے

اے مسافر ذرا تیز چل

یاد آئی بھی اس کی تو کب

مرتعش ہاتھ ہیں پاؤں شل

ٹھوکریں تو ہیں منزل رساں

خوف سے راستے مت بدل

آج پھر تو اٹھا دیر سے

توس کھا چائے پی ہاتھ مل

تیری یادوں کی یلغار ہے

جینا دشوار ہے آج کل

کیا عداوت میں پاس ادب

کیا محبت میں موقع محل

چشم نم دل کی غماز ہے

مسکرا کر نہ لہجہ بدل

شام ہونے کو ہے منجمد

مطربہ چھیڑ کوئی غزل