maraz ek taraf aur dawa ek taraf

maraz ik taraf aur davā ik taraf

ḳhudāyā hai merī sadā ik taraf

magar merī āñkhoñ meñ donoñ charāġh

davā ik taraf aur duā ik taraf

ḳhudā un ke hisse meñ manzil utaar

safar ik taraf rāsta ik taraf

muqaddar pe donoñ ke pahre haiñ kyā

mehan ik taraf aur sila ik taraf

nayā mai-kada hai chalan bhī nayā

sharāb ik taraf hai nasha ik taraf

ḳhudā mere qaabū meñ aa.e na rang

ki sang ik taraf hai hinā ik taraf

aziyyat davā ko chiḌātī huī

matab dar matab silsila ik taraf

marīz ik akelā davā.eñ hazār

ġharīb ik taraf aġhniyā ik taraf

mire hāl-e-dil kā kise hosh hai

havā ik taraf hai fazā ik taraf

maraz ek taraf aur dawa ek taraf

KHudaya hai meri sada ek taraf

magar meri aankhon mein donon charagh

dawa ek taraf aur dua ek taraf

KHuda un ke hisse mein manzil utar

safar ek taraf rasta ek taraf

muqaddar pe donon ke pahre hain kya

mehan ek taraf aur sila ek taraf

naya mai-kada hai chalan bhi naya

sharab ek taraf hai nasha ek taraf

KHuda mere qabu mein aae na rang

ki sang ek taraf hai hina ek taraf

aziyyat dawa ko chiDati hui

matab dar matab silsila ek taraf

mariz ek akela dawaen hazar

gharib ek taraf aghniya ek taraf

mere haal-e-dil ka kise hosh hai

hawa ek taraf hai faza ek taraf