marhale saKHt bahut pesh-e-nazar bhi aae

marhale saḳht bahut pesh-e-nazar bhī aa.e

ham magar tai ye safar shaan se kar bhī aa.e

is safar meñ ka.ī aise bhī mile log hameñ

jo bulandī pe ga.e aur utar bhī aa.e

sirf hone se kahāñ mas.ala hal hotā hai

pas-e-dīvār koī hai to nazar bhī aa.e

dil agar hai to na ho dard se ḳhālī kisī taur

aañkh agar hai to kisī baat pe bhar bhī aa.e

marhale saKHt bahut pesh-e-nazar bhi aae

hum magar tai ye safar shan se kar bhi aae

is safar mein kai aise bhi mile log hamein

jo bulandi pe gae aur utar bhi aae

sirf hone se kahan masala hal hota hai

pas-e-diwar koi hai to nazar bhi aae

dil agar hai to na ho dard se KHali kisi taur

aankh agar hai to kisi baat pe bhar bhi aae