marhale zist ke dushwar nahin diwano

marhale ziist ke dushvār nahīñ dīvāno

māvrā-e-rasan-o-dārnahīñ dīvāno

kyā karoge dil-e-pur-ḳhūñ kī hikāyat sun kar

ye hadīs-e-lab-o-ruḳhsār nahīñ dīvāno

aaj kyuuñ pand-gar-e-vaqt kī taqrīroñ meñ

lazzat-e-shoḳhī-e-guftār nahīñ dīvāno

ḳhāka-e-zehn pe ubhre to koī naqsh-e-jamīl

band darvāza-e-inkār nahīñ dīvāno

kyā karoge mah-o-anjum pe jamā kar nazreñ

mehr-e-getī hī ziyā-bār nahīñ dīvāno

pursish-e-hāl meñ ehsās-e-takalluf kaisā

koī saaya pas-e-dīvār nahīñ dīvāno

koī raushan to kare sham-e-shabistān-e-ḳhayāl

munjamid chashma-e-anvar nahīñ dīvāno

marhale zist ke dushwar nahin diwano

mawra-e-rasan-o-darnahin diwano

kya karoge dil-e-pur-KHun ki hikayat sun kar

ye hadis-e-lab-o-ruKHsar nahin diwano

aaj kyun pand-gar-e-waqt ki taqriron mein

lazzat-e-shoKHi-e-guftar nahin diwano

KHaka-e-zehn pe ubhre to koi naqsh-e-jamil

band darwaza-e-inkar nahin diwano

kya karoge mah-o-anjum pe jama kar nazren

mehr-e-geti hi ziya-bar nahin diwano

pursish-e-haal mein ehsas-e-takalluf kaisa

koi saya pas-e-diwar nahin diwano

koi raushan to kare sham-e-shabistan-e-KHayal

munjamid chashma-e-anwar nahin diwano