masala husn-e-taKHyyul ka hai na ilham ka hai

mas.ala husn-e-taḳhyyul kā hai na ilhām kā hai

ye fasāna zarā mushkil dil-e-nākām kā hai

rāt-din pahroñ-pahar us kī adā ke charche

ye tamāsha bhī mire vāste kis kaam kā hai

muskurāne lage har samt mohabbat ke charāġh

tere chehre kā tasavvur bhī baḌe kaam kā hai

suunī suunī thiiñ jo āñkheñ vo dobāra hañs deñ

nazar aayā hai jo manzar vo usī shaam kā hai

is ta'alluq kā koī rang na Dhalne paayā

tazkira she'roñ meñ ab bhī usī gulfām kā hai

le uḌiiñ zard havā.eñ mire ghar se ḳhushbū

bām-o-dar kyā haiñ darīcha mire kis kaam kā hai

fasl ho jaa.e to baḌhtī hai ḳhushī se duurī

aap kā qurb ye sach hai baḌe ārām kā hai

masala husn-e-taKHyyul ka hai na ilham ka hai

ye fasana zara mushkil dil-e-nakaam ka hai

raat-din pahron-pahar us ki ada ke charche

ye tamasha bhi mere waste kis kaam ka hai

muskurane lage har samt mohabbat ke charagh

tere chehre ka tasawwur bhi baDe kaam ka hai

suni suni thin jo aankhen wo dobara hans den

nazar aaya hai jo manzar wo usi sham ka hai

is ta'alluq ka koi rang na Dhalne paya

tazkira she'ron mein ab bhi usi gulfam ka hai

le uDin zard hawaen mere ghar se KHushbu

baam-o-dar kya hain daricha mere kis kaam ka hai

fasl ho jae to baDhti hai KHushi se duri

aap ka qurb ye sach hai baDe aaram ka hai