مسرت بخش ہو آہ سحر ایسا بھی ہوتا ہے

مسرت بخش ہو آہ سحر ایسا بھی ہوتا ہے

شب فرقت بھی ہو جائے بس ایسا بھی ہوتا ہے

بہت دیکھے ستم گر فتنہ پرور بزم امکاں میں

مگر دنیا میں کوئی فتنہ گر ایسا بھی ہوتا ہے

تمہاری چارہ سازی کام آ جائے تو کیا کہنا

یہ ہوتا ہے بہت ہی کم مگر ایسا بھی ہوتا ہے

بہ وقت صبح چشم گل میں شبنم یہ بھی ہوتا ہے

فغان نیم شب کا یہ اثر ایسا بھی ہوتا ہے

گلستاں کی فضا میں رنگ و نکہت ڈھونڈنے والو

رگ گل میں چھپے ہوں نیشتر ایسا بھی ہوتا ہے

تامل کیا ہے منظر دعوت مژگاں کئے جاؤ

دوا خود ڈھونڈ لے زخم جگر ایسا بھی ہوتا ہے