masarrat-baKHsh ho aah-e-sahar aisa bhi hota hai

masarrat-baḳhsh ho āh-e-sahar aisā bhī hotā hai

shab-e-furqat bhī ho jaa.e bas aisā bhī hotā hai

bahut dekhe sitamgar fitna-parvar bazm-e-imkāñ meñ

magar duniyā meñ koī fitna-gar aisā bhī hotā hai

tumhārī chārasāzī kaam aa jaa.e to kyā kahnā

ye hotā hai bahut hī kam magar aisā bhī hotā hai

ba-vaqt-e-sub.h chashm-e-gul meñ shabnam ye bhī hotā hai

fuġhān-e-nīm-shab kā ye asar aisā bhī hotā hai

gulistāñ kī fazā meñ rang-o-nik.hat DhūñDne vaalo

rag-e-gul meñ chhupe hoñ neshtar aisā bhī hotā hai

ta.ammul kyā hai manzar dāvat-e-mizhgāñ kiye jaao

davā ḳhud DhūñD le zaḳhm-e-jigar aisā bhī hotā hai

masarrat-baKHsh ho aah-e-sahar aisa bhi hota hai

shab-e-furqat bhi ho jae bas aisa bhi hota hai

bahut dekhe sitamgar fitna-parwar bazm-e-imkan mein

magar duniya mein koi fitna-gar aisa bhi hota hai

tumhaari chaarasazi kaam aa jae to kya kahna

ye hota hai bahut hi kam magar aisa bhi hota hai

ba-waqt-e-subh chashm-e-gul mein shabnam ye bhi hota hai

fughan-e-nim-shab ka ye asar aisa bhi hota hai

gulistan ki faza mein rang-o-nikhat DhunDne walo

rag-e-gul mein chhupe hon neshtar aisa bhi hota hai

tammul kya hai manzar dawat-e-mizhgan kiye jao

dawa KHud DhunD le zaKHm-e-jigar aisa bhi hota hai