مسرتوں کے عوض جو یاروں خموشیوں کے رفیق ہوں گے

مسرتوں کے عوض جو یاروں خموشیوں کے رفیق ہوں گے

ہمیں پتہ ہے وہی تمہاری محبتوں میں غریق ہوں گے

اے ہم سفر سن گئی رتوں کی مہیب شب میں بچھڑ کے مجھ سے

نہ سوچا تو نے کہ تیری فرقت کے دشت کتنے عمیق ہوں گے

جو زرد رت کی حراستوں میں حیات اپنی گزارتے ہیں

وہ لوگ اک دن تو دیکھ لینا اداسیوں کے فریق ہوں گے

خلوص و چاہت وفا محبت کو دیکھتی ہوں تو سوچتی ہوں

ہر آنے والی صدی میں ہمدم یہ طور کس کے طریق ہوں گے

میں پاس آ کر حبیب تیرے خموش لب سے یہی کہوں گی

جو عزتوں کو بگاڑ ڈالیں وہ لوگ کیسے شفیق ہوں گے