masarraton ke ewaz jo yaron KHamoshiyon ke rafiq honge

masarratoñ ke evaz jo yāroñ ḳhamoshiyoñ ke rafīq hoñge

hameñ pata hai vahī tumhārī mohabbatoñ meñ ġharīq hoñge

ai ham-safar sun ga.ī rutoñ kī muhīb shab meñ bichhaḌ ke mujh se

na sochā tū ne ki terī furqat ke dasht kitne amiiq hoñge

jo zard rut kī hirāsatoñ meñ hayāt apnī guzārte haiñ

vo log ik din tū dekh lenā udāsiyoñ ke farīq hoñge

ḳhulūs-o-chāhat vafā mohabbat ko dekhtī huuñ to sochtī huuñ

har aane vaalī sadī meñ hamdam ye taur kis ke tarīq hoñge

maiñ paas aa kar habīb tere ḳhamosh lab se yahī kahūñgī

jo izzatoñ ko bigāḌ Dāleñ vo log kaise shafīq hoñge

masarraton ke ewaz jo yaron KHamoshiyon ke rafiq honge

hamein pata hai wahi tumhaari mohabbaton mein ghariq honge

ai ham-safar sun gai ruton ki muhib shab mein bichhaD ke mujh se

na socha tu ne ki teri furqat ke dasht kitne amiq honge

jo zard rut ki hirasaton mein hayat apni guzarte hain

wo log ek din tu dekh lena udasiyon ke fariq honge

KHulus-o-chahat wafa mohabbat ko dekhti hun to sochti hun

har aane wali sadi mein hamdam ye taur kis ke tariq honge

main pas aa kar habib tere KHamosh lab se yahi kahungi

jo izzaton ko bigaD Dalen wo log kaise shafiq honge