مسرتوں کے فسانے کا اختتام ہوا

مسرتوں کے فسانے کا اختتام ہوا

ہمارا درد زمانے میں اب تو عام ہوا

یہ قصے آج بھی آنسو بیان کرتے ہیں

غم حیات کا قصہ کہاں تمام ہوا

نہ جیتے جی ملی دنیا میں اس کو کچھ عزت

کہ بعد مرنے کے دنیا میں اس کا نام ہوا

تمہارا رقص بھی جائز ہے بر سر محفل

ہمارا بیٹھ کے پینا بھی اب حرام ہوا

دھڑکتا ہے مرے سینے میں یہ تمہارا لیے

جو دل مرا ہے وہ کب کا تمہارے نام ہوا

جہاں جہاں پہ قدم میرے یار نے رکھے

وہیں وہیں پہ بہاروں کا اہتمام ہوا

زبان کھل نہ سکی ان کے رو برو تو قمرؔ

نظر نظر میں سر انجمن کلام ہوا