masarraton ke fasane ka iKHtitam hua

masarratoñ ke fasāne kā iḳhtitām huā

hamārā dard zamāne meñ ab to 'aam huā

ye qisse aaj bhī aañsū bayān karte haiñ

ġham-e-hayāt kā qissa kahāñ tamām huā

na jiite jī milī duniyā meñ us ko kuchh 'izzat

ki baa'd marne ke duniyā meñ us kā naam huā

tumhārā raqs bhī jaa.ez hai bar-sar-e-mahfil

hamārā baiTh ke piinā bhī ab harām huā

dhaḌaktā hai mire siine meñ ye tumhārā liye

jo dil mirā hai vo kab kā tumhāre naam huā

jahāñ-jahāñ pe qadam mere yaar ne rakkhe

vahīñ vahīñ pe bahāroñ kā ehtimām huā

zabān khul na sakī un ke rū-ba-rū to 'qamar'

nazar nazar meñ sar-e-anjuman kalām huā

masarraton ke fasane ka iKHtitam hua

hamara dard zamane mein ab to 'am hua

ye qisse aaj bhi aansu bayan karte hain

gham-e-hayat ka qissa kahan tamam hua

na jite ji mili duniya mein us ko kuchh 'izzat

ki ba'd marne ke duniya mein us ka nam hua

tumhaara raqs bhi jaez hai bar-sar-e-mahfil

hamara baiTh ke pina bhi ab haram hua

dhaDakta hai mere sine mein ye tumhaara liye

jo dil mera hai wo kab ka tumhaare nam hua

jahan-jahan pe qadam mere yar ne rakkhe

wahin wahin pe bahaaron ka ehtimam hua

zaban khul na saki un ke ru-ba-ru to 'qamar'

nazar nazar mein sar-e-anjuman kalam hua