shikwa nasib ka na kare bar bar tu

shikva nasīb kā na kare baar baar tū

mushkil hayāt hañs ke hamesha guzār tū

kyuuñ fikr hāl-o-māzī kī kartā hai roz-o-shab

sab us ko iḳhtiyār hai be-iḳhtiyār tū

māyūs kyuuñ jafāoñ se hotā hai be-vajah

sab ke gale meñ Daal vafāoñ ke haar tū

ḳhuddār ban ḳhudī kī talab le ke jī sadā

be-fikr us pe jaan bhī kar de nisār tū

vo sar-parast hai to 'sabā' tujh ko naaz hai

apnā maqām jaan le ḳhud ko sañvār tū

shikwa nasib ka na kare bar bar tu

mushkil hayat hans ke hamesha guzar tu

kyun fikr haal-o-mazi ki karta hai roz-o-shab

sab us ko iKHtiyar hai be-iKHtiyar tu

mayus kyun jafaon se hota hai be-wajah

sab ke gale mein Dal wafaon ke haar tu

KHuddar ban KHudi ki talab le ke ji sada

be-fikr us pe jaan bhi kar de nisar tu

wo sar-parast hai to 'saba' tujh ko naz hai

apna maqam jaan le KHud ko sanwar tu