masjid ke zer-e-saya KHarabaat chahiye

Mirza Ghalib

masjid ke zer-e-saya KHarabaat chahiye

Mirza Ghalib

MORE BYMirza Ghalib

    masjid ke zer-e-sāya ḳharābāt chāhiye

    bhauñ paas aañkh qibla-e-hājāt chāhiye

    āshiq hue haiñ aap bhī ek aur shaḳhs par

    āḳhir sitam kuchh to mukāfāt chāhiye

    de daad ai falak dil-e-hasrat-parast

    haañ kuchh na kuchh talāfī-e-māfāt chāhiye

    sīkhe haiñ mah-ruḳhoñ ke liye ham musavvarī

    taqrīb kuchh to bahr-e-mulāqāt chāhiye

    mai se ġharaz nashāt hai kis rū-siyāh ko

    ik-gūna be-ḳhudī mujhe din raat chāhiye

    nashv-o-numā hai asl se 'ġhālib' furūa ko

    ḳhāmoshī se nikle hai jo baat chāhiye

    hai rañg-e-lāla-o-gul-o-nasrīñ judā judā

    har rañg meñ bahār isbāt chāhiye

    sar pā-e-ḳhum pe chāhiye hañgām-e-be-ḳhudī

    sū-e-qibla vaqt-e-munājāt chāhiye

    ya.anī ba-hasb-e-gardish-e-paimāna-e-sifāt

    aarif hamesha mast-e-mai-e-zāt chāhiye

    masjid ke zer-e-saya KHarabaat chahiye

    bhaun pas aankh qibla-e-hajat chahiye

    aashiq hue hain aap bhi ek aur shaKHs par

    aaKHir sitam ki kuchh to mukafat chahiye

    de dad ai falak dil-e-hasrat-parast ki

    han kuchh na kuchh talafi-e-mafat chahiye

    sikhe hain mah-ruKHon ke liye hum musawwari

    taqrib kuchh to bahr-e-mulaqat chahiye

    mai se gharaz nashat hai kis ru-siyah ko

    ik-guna be-KHudi mujhe din raat chahiye

    nashw-o-numa hai asl se 'ghaalib' furua ko

    KHamoshi hi se nikle hai jo baat chahiye

    hai rang-e-lala-o-gul-o-nasrin juda juda

    har rang mein bahaar ka isbaat chahiye

    sar pa-e-KHum pe chahiye hangam-e-be-KHudi

    ru su-e-qibla waqt-e-munajat chahiye

    yani ba-hasb-e-gardish-e-paimana-e-sifat

    aarif hamesha mast-e-mai-e-zat chahiye

    RECITATIONS

    Nomaan Shauque

    Nomaan Shauque

    Nomaan Shauque

    masjid ke zer-e-saya KHarabaat chahiye Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY