maslahat ka koi KHuda hai yahan
maslahat kā koī ḳhudā hai yahāñ
kaam jo sab ke kar rahā hai yahāñ
aur miltā bhī kyā faqīroñ se
sirf ik hausla milā hai yahāñ
log mohtāt haiñ ravayyoñ meñ
qurbatoñ meñ bhī fāsla hai yahāñ
ādatan pūchhne lage haiñ log
kyā koī hādsa huā hai yahāñ
ilm to dafn ho chukā kab kā
kuchh kitāboñ kā silsila hai yahāñ
raushnī muntaqil nahīñ kī ga.ī
bas diye se diyā jalā hai yahāñ
maslahat ka koi KHuda hai yahan
kaam jo sab ke kar raha hai yahan
aur milta bhi kya faqiron se
sirf ek hausla mila hai yahan
log mohtat hain rawayyon mein
qurbaton mein bhi fasla hai yahan
aadatan puchhne lage hain log
kya koi hadsa hua hai yahan
ilm to dafn ho chuka kab ka
kuchh kitabon ka silsila hai yahan
raushni muntaqil nahin ki gai
bas diye se diya jala hai yahan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
