maslahat ke sath the chaalak hona hi paDa

maslahat ke saath the chālāk honā hī paḌā

chand pal ko hī sahī saffāk honā hī paḌā

dhuul se mahfūz rakhnā thā mujhe terā badan

is liye mujh ko tirī poshāk honā hī paḌā

justujū kho.e hue ko DhūñD kar laane kī thī

yuuñ huā ik roz mujh ko ḳhaak honā hī paḌā

ghar kī miTTī ḳhūb-sūrat shakl meñ dikhne lage

bas isī ḳhvāhish meñ mujh ko chaak honā hī paḌā

bārishoñ meñ chhoḌ kar aane paḌe nanhe gulāb

zindagī tere liye saffāk honā hī paḌā

maslahat ke sath the chaalak hona hi paDa

chand pal ko hi sahi saffak hona hi paDa

dhul se mahfuz rakhna tha mujhe tera badan

is liye mujh ko teri poshak hona hi paDa

justuju khoe hue ko DhunD kar lane ki thi

yun hua ek roz mujh ko KHak hona hi paDa

ghar ki miTTi KHub-surat shakl mein dikhne lage

bas isi KHwahish mein mujh ko chaak hona hi paDa

barishon mein chhoD kar aane paDe nanhe gulab

zindagi tere liye saffak hona hi paDa