mat ghazab kar chhoD de ghussa sajan

mat ġhazab kar chhoḌ de ġhussa sajan

aa judā.ī ḳhuub na.iiñ mil jā sajan

be-diloñ kī uzr-ḳhvāhī maan le

jo ki honā thā so ho guzrā sajan

tum sivā ham kuuñ kahīñ jaagā nahīñ

pas laḌo mat ham setī bejā sajan

mar ga.e ġham siiñ tumhāre ham piyā

kab talak ye ḳhūn-e-ġham khānā sajan

jo lage ab kāTne iḳhlās ke

kyā yahī thā pyaar kā samrā sajan

chhoḌ tum kuuñ aur kis señ ham mileñ

kaun hai duniyā meñ kui tum sā sajan

paañv paḌtā huuñ tumhāre rahm ko

baat merī maan le haahā sajan

tañg rahnā kab talak ġhunche kī tarah

phuul ke mānind Tuk khul jā sajan

'ābrū' kuuñ kho ke pachhtāoge tum

ham ko lāzim hai atā kahnā sajan

mat ghazab kar chhoD de ghussa sajan

aa judai KHub nain mil ja sajan

be-dilon ki uzr-KHwahi man le

jo ki hona tha so ho guzra sajan

tum siwa hum kun kahin jaga nahin

pas laDo mat hum seti beja sajan

mar gae gham sin tumhaare hum piya

kab talak ye KHun-e-gham khana sajan

jo lage ab kaTne iKHlas ke

kya yahi tha pyar ka samra sajan

chhoD tum kun aur kis sen hum milen

kaun hai duniya mein kui tum sa sajan

panw paDta hun tumhaare rahm ko

baat meri man le haha sajan

tang rahna kab talak ghunche ki tarah

phul ke manind Tuk khul ja sajan

'abru' kun kho ke pachhtaoge tum

hum ko lazim hai ata kahna sajan