mat jhuko pur-waqar sar hai to

mat jhuko pur-vaqār sar hai to

ġham uThā lo agar jigar hai to

ishq kī raah pur-ḳhatar hai to

mat karo ishq dil meñ Dar hai to

ye alag baat hai na pūchho tum

mere ahvāl kī ḳhabar hai to

zer-e-lab ab vo muskurāte haiñ

merī aahoñ kā kuchh asar hai to

mujh se kyoñ merā haal pūchho ho

dekh lo ġhaur se nazar hai to

daulat-e-ilm to hamārī hai

kyā huā un ke paas zar hai to

tum bhī patthar kisī pe mat pheñko

shīshe jaisā tumhārā ghar hai to

pyaar se pesh aao dushman se

zer ho jā.egā zabar hai to

lafz-e-shar to bashar meñ shāmil hai

kyoñ ho hairāñ bashar meñ shar hai to

Thes lagte hī shīsha TuuT gayā

dāstāñ dil kī muḳhtasar hai to

fikr manzil kī kyoñ kareñ 'bebāk'

rāhbar apnā mo'atabar hai to

mat jhuko pur-waqar sar hai to

gham uTha lo agar jigar hai to

ishq ki rah pur-KHatar hai to

mat karo ishq dil mein Dar hai to

ye alag baat hai na puchho tum

mere ahwal ki KHabar hai to

zer-e-lab ab wo muskuraate hain

meri aahon ka kuchh asar hai to

mujh se kyon mera haal puchho ho

dekh lo ghaur se nazar hai to

daulat-e-ilm to hamari hai

kya hua un ke pas zar hai to

tum bhi patthar kisi pe mat phenko

shishe jaisa tumhaara ghar hai to

pyar se pesh aao dushman se

zer ho jaega zabar hai to

lafz-e-shar to bashar mein shamil hai

kyon ho hairan bashar mein shar hai to

Thes lagte hi shisha TuT gaya

dastan dil ki muKHtasar hai to

fikr manzil ki kyon karen 'bebak'

rahbar apna mo'atabar hai to