mat kaT umr meri tarah KHwahishon mein dost

mat kaaT 'umr merī tarah ḳhvāhishoñ meñ dost

kachchā ghaḌā sañbhaltā nahīñ bārishoñ meñ dost

kyoñ rashk kar rahā hai tū mere nasīb par

barsoñ mirā nasīb rahā gardishoñ meñ dost

kaise kisī ke dil meñ banāte haiñ sab jagah

'umreñ tamām ho ga.iiñ in koshishoñ meñ dost

buniyād itnī TeḌhī nahīñ hotī 'ishq kī

kuchh to ḳhatā huī tirī paimā.ishoñ meñ dost

zaatī mafād ke liye mat rakhiye ranjisheñ

kitne qabīle miT ga.e in ranjishoñ meñ dost

qistoñ meñ bhar rahe haiñ unhīñ kā mu'āvza

'umreñ jo ham ne kaaTī thiiñ ārā.ishoñ meñ dost

rusvā.iyoñ ke ḳhauf se uThtā nahīñ maiñ 'dil'

ai kaash dil ko rakhtā kisī bandishoñ meñ dost

mat kaT 'umr meri tarah KHwahishon mein dost

kachcha ghaDa sanbhalta nahin barishon mein dost

kyon rashk kar raha hai tu mere nasib par

barson mera nasib raha gardishon mein dost

kaise kisi ke dil mein banate hain sab jagah

'umren tamam ho gain in koshishon mein dost

buniyaad itni TeDhi nahin hoti 'ishq ki

kuchh to KHata hui teri paimaishon mein dost

zati mafad ke liye mat rakhiye ranjishen

kitne qabile miT gae in ranjishon mein dost

qiston mein bhar rahe hain unhin ka mu'awza

'umren jo hum ne kaTi thin aaraishon mein dost

ruswaiyon ke KHauf se uThta nahin main 'dil'

ai kash dil ko rakhta kisi bandishon mein dost