mat mardumak-e-dida mein samjho ye nigahen

mat mardumak-e-dīda meñ samjho ye nigāheñ

haiñ jam.a suvaidā-e-dil-e-chashm meñ aaheñ

kis dil pe hai azm-e-saf-e-mizhgān-e-ḳhud-ārā

ā.īne ke pāyāb se utrī haiñ sipāheñ

dair-o-haram ā.īna-e-takrār-e-tamannā

vāmāñdagī-e-shauq tarāshe hai panāheñ

juuñ mardumak-e-chashm se hoñ jam.a nigāheñ

ḳhvābīda ba-hairat-kada-e-dāġh haiñ aaheñ

phir halqa-e-kākul meñ paḌīñ diid kī rāheñ

juuñ duud farāham huiiñ rauzan meñ nigāheñ

paayā sar-e-har-zarra jigar-gosha-e-vahshat

haiñ daaġh se ma.amūr shaqā.iq kī kulāheñ

ye matl.a 'asad' jauhar-e-afsūn-e-suḳhan ho

gar arz-e-tapāk-e-jigar-e-soḳhta chāheñ

hairat-kash-e-yak-jalva-e-ma.anī haiñ nigāheñ

khīñchūñ huuñ suvaidā-e-dil-e-chashm se aa.heñ

mat mardumak-e-dida mein samjho ye nigahen

hain jama suwaida-e-dil-e-chashm mein aahen

kis dil pe hai azm-e-saf-e-mizhgan-e-KHud-ara

aaine ke payab se utri hain sipahen

dair-o-haram aaina-e-takrar-e-tamanna

wamandagi-e-shauq tarashe hai panahen

jun mardumak-e-chashm se hon jama nigahen

KHwabida ba-hairat-kada-e-dagh hain aahen

phir halqa-e-kakul mein paDin did ki rahen

jun dud faraham huin rauzan mein nigahen

paya sar-e-har-zarra jigar-gosha-e-wahshat

hain dagh se mamur shaqaiq ki kulahen

ye matla 'asad' jauhar-e-afsun-e-suKHan ho

gar arz-e-tapak-e-jigar-e-soKHta chahen

hairat-kash-e-yak-jalwa-e-mani hain nigahen

khinchun hun suwaida-e-dil-e-chashm se aahen