mat puchh mere jah ko hashmat ko kya hua

mat pūchh mere jaah ko hashmat ko kyā huā

hairān ḳhud huuñ maiñ mirī qismat ko kyā huā

kyoñ dekhte hī dekhte duniyā badal ga.ī

har shai kī ek dam se ye hālat ko kyā huā

insāniyat ke shaah uḳhuvvat ke tājvar

in sab ke husn-e-ḳhulq kī aadat ko kyā huā

us ke ḳhisāl-e-nek kā shohra thā chaar sū

ab is hayā-o-sharm ko ġhairat ko kyā huā

laate the chun ke log aqīdat ke phuul jo

na jaane aaj un kī aqīdat ko kyā huā

milte haiñ mujh se dost bhī aġhyār kī tarah

koī batā.e un kī muravvat ko kyā huā

'mohsin' kabhī jo kartā thā mujh pe nisār jaañ

ab sochtā huuñ us kī mohabbat ko kyā huā

mat puchh mere jah ko hashmat ko kya hua

hairan KHud hun main meri qismat ko kya hua

kyon dekhte hi dekhte duniya badal gai

har shai ki ek dam se ye haalat ko kya hua

insaniyat ke shah uKHuwwat ke tajwar

in sab ke husn-e-KHulq ki aadat ko kya hua

us ke KHisal-e-nek ka shohra tha chaar su

ab is haya-o-sharm ko ghairat ko kya hua

late the chun ke log aqidat ke phul jo

na jaane aaj un ki aqidat ko kya hua

milte hain mujh se dost bhi aghyar ki tarah

koi batae un ki murawwat ko kya hua

'mohsin' kabhi jo karta tha mujh pe nisar jaan

ab sochta hun us ki mohabbat ko kya hua